Европ тивд эдийн засаг нь хамгийн эрчтэй хөгжиж буй орон бол Турк. Дотоодын эдийн засагт асуудал үүсч байгаа ч, гадны хөрөнгө оруулалт ихтэй тул түүнийгээ нөхдөг сайн талтай гэж эдийн засагчид үзэж байна. Туркийн эдийн засагт ихээхэн хувь нэмэр оруулдаг салбар бол яах аргагүй аялал жуулчлал. Өнгөрсөн жил гэхэд 31 тэрбум долларын ашигтай ажилласан энэ салбар 2016 онд 33%-ийн уналтад орох урьдчилсан тооцоо гарсан байна. Энэ бол тус улсад зорчих гадаадын иргэд, жуулчдын аюулгүй байдал эрсдэлтэй болсонтой холбоотой гэж мэргэжилтнүүд үзэж байна. Дээр нь хөрөнгө оруулалт ч саарах магадлалтайг тэд үгүйсгэсэнгүй. Тогтворгүй байдал ямар балаг тарьж болохыг Туркийн эдийн засгийн үзүүлэлт харуулж эхэллээ. Зөвхөн төрийн эргэлт хийх оролдлого нь, аялал жуулчлалын салбарт 10 тэрбум долларын хохирол учрууллаа.
.JPG)
/ Төрийн эргэлт хийхийг санаархсан генералуудыг баривчлаж байгаа нь /
Ч.ГОМБОСҮРЭН
