2016 оны 07 дугаар сарын 25-ны өдрийн 17 цагийн байдлаар :
Эрсдэлтэй бүс нутгийн шүлхийд мэдрэмтгий малыг вакцинжуулах ажлын 8 хэсэг Сүмбэр сумын 4,5,6-р баг, Баянтал сумын 2-р багт гарч дархлаажуулалт эхлээд байна. Малын шилжилт хөдөлгөөн отор нүүдэлтэй холбогдуулан вакцинжуулах малын тоонд өөрчлөлт гарсан. Вакцинжуулалтад 108344 мал хамруулахаас 219 өрхийн 70613 мал хамруулж, гүйцэтгэл 65%-тай явагдаж байгаа дүнтэй байна. Сэжигтэй болон голомтын бүсийн ариутгал, халдваргүйжүүлэлтийн үйл ажиллагаа байнга явагдаж байгаа, голомтын болон сэжигтэй бүсийн 10 өрхийн 9 хашаа хорооны 1804м2 талбайг халдваргүйжүүлсэн байна. Голомтын бүсийн 16 өрхийн 10985 толгой мэдрэмтгий малыг вакцинжуулж дууслаа. Одоогоор 100% гүйцэтгэлтэй.
Баянтал сумын эрсдэлтэй бүсийн 800 толгой үхрийг вакцинжуулж дуусгалаа гүйцэтгэл 100%-тай байна. Голомтод нийт 145 үхрээс 43 өвчилсөн, 3 үхэр үхсэн, 39 өвчтэй, /1 үхэр нядалж 10 төрлийн дээж авч 7 дугаар сарын 23-нд УМЭАЦТЛ-д хүргүүлсэн/ Нийт 103 үхрийг тусгаарласан байна.
Голомтын болон сэжигтэй бүсэд дуудлагын тоо, үхсэн малын тоо, өвчилсөн малын тоо, голомтын тоо нэмэгдээгүй байна. Голомтоос ирсэн өвчилсөн нийт малын тоог дахин хянаж үзэхэд 2 тоогоор зөрүүтэй мэдээлэл ирсэн тул малын тоог 43-аар одоо өвчтэй малын тоог 40-өөр тооцсон мэдээллийг АХХААГ-аас ирүүлээд байна.
Д.УРАНЦЭНГЭЛ
