Улс төрийн уур амьсгал албан тушаалын хувиарлалт, томилгоогоор өрнөсөн энэ үед Ховдчууд итгэл хүлээлгэн сонгосон МАН-д аймаг орон нутгаа удирдуулахаар болж, ИТХ болон аймгийн засаг дарга нар үүрэгт ажлаа хүлээн аваад байна.
Шинээр ажил хүлээн авсан Ховд аймгийн засаг дарга Галсандондог : "Төрийн ажлын залгамж чанарыг алдагдуулахгүй, өнгөрсөн 4 жилд хийсэн сайн ажлыг үргэлжлүүлэн, улс төржихгүй байж үнэнийг эрхэмлэн, Ардчилсан намаас ч дэвшүүлсэн шинэлэг ажлыг мөрийн хөтөлбөртөө тусгаж хэрэгжүүлэхээ хэллээ. Мөн Ховд аймгаа баруун бүсийн төв, хөгжлийн тулгуур төв болгон хөгжүүлэх, айл бүр ажил орлоготой, архигүй эрүүл Ховдыг бий болгохын төлөө үлгэрлэн ажиллах болно" гэдгээ онцоллоо.
Ховд аймгаас Х.АЛТАНТУЯА
