Нийслэлийн Багануур дүүргээс тарваганы мах авч 4-5-уулаа хувааж идсэн гэх Дорнод аймгийн цагдаагийн албан хаагчаас авсан шинжилгээний хариу гарчээ. Дорнод аймгийн нэгдсэн эмнэлэг тахлын сэжиг илэрсэн гэж үзэн нийслэл рүү нарийн шинжилгээнд явуулсан ч азаар тахал биш болох нь тогтоогдсон байна.
Харин энэ хугацаанд аймгийн Онцгой комисс хуралдаж эрүүл мэндийн төв дээр онцгой комисс байгуулан бүсчлэн хөл хорио тогтоон ажилласан.
Хариуцлагагүй цагдаагийн албан хаагчаас болж багагүй зардал, хөрөнгө мөнгө, ажиллах хүн хүчний хөдөлмөрийг үргүй зарцууллаа. Тарваган тахлын дэгдэлтийн үед өндөр хариуцлагатай ажиллах ёстой цагдаа Багануураас нийслэл рүү оруулах гэж байсан 60 гаруй тарвагыг хурааж түүнээсээ өөрөө идсэн гэх мэдээлэл байна.
Л.ГАНТУЯА