Ханбогд сумаас Оюу Толгой чиглэлийн 35.1 км хатуу хучилттай замын шавыг өнөөдөр өглөө тавилаа. Шав тавих ёслолд УИХ-ын гишүүд, УУХҮ-ны дэд сайд Х.Бадамсүрэн, Өмнөговь аймаг, Ханбогд сумын удирдлагууд болон Оюу Толгой ХХК-ийн ТУЗ-ын дарга Г.Батсүх, Гүйцэтгэх захирал Армандо Торрес, Эндрью Вүдлэй нар оролцжээ.
Замын ажлыг Оюу Толгой ХХК-ийн хөрөнгө оруулалтаар "Оч-Наран" ХХК энэ оны есдүгээр сараас эхлүүлж, 2018 онд ашиглалтад өгөхөөр төлөвлөж байгаа ажээ. Замыг 8 метрийн өргөнтэй, 7см зузаан хучаастай. Замын нийт өртөг 46 тэрбум төгрөг бөгөөд Оюу Толгойгоос орон нутагт хийж буй томоохон бүтээн байгуулалтын нэг юм.
А.САЯН
