Дэлхийн цаг уурын байгууллага энэ сарын 16-ны өдөр Женевт мэдэгдэл хийлээ. Уг мэдэгдэлд халуун цаг агаар улам нэмэгдэж байгаа тухай онцлоод энэ нь цаашдаа хүн төрөлхтний амьдралд хэвийн үзэгдэл болох төлөвтэй байна гэжээ. Энэ жилийн агаарын дулаан шинэ рекорд тогтоож, түүхэнд тэмдэглэж эхэлснээс хойших хамгийн халуун жил боллоо хэмээн мэдэгдлээ.
Тус мэдэгдэлд тэмдэглэхдээ, дэлхийн цаг агаар дулаарч байгааг умард туйлын далайн мөснөөс харж болно. Америкийн үндэсний мөс цасны тоо баримтын төвийн 9-р сарын 15-ны хамгийн сүүлийн үеийн тоо баримтаас үзвэл, умард туйлын далайн мөсний талбай хамгийн бага түвшинд хүрсэн хэмээн онцоллоо.
Дэлхийн Цаг уурын байгууллагын тэмдэглэснээр, хүн төрөлхтний үйл ажиллагаа бол дэлхийн уур амьсгал дулаарч буйн хамгийн гол шалтгаан болж байна гэжээ.
Ц.ХИШГЭЭ
