Увс аймгийн Тэс суманд газрын тосны хайгуул хийж байсан “Монголиа Гладвилл Увс Петролиум” компанийн үйл ажиллагааг тодорхойгүй хугацаагаар зогсоожээ. Тус компани нь Монгол Улсын Засгийн газартай байгуулсан Бүтээгдэхүүн хуваах гэрээгээ зөрчсөн байна.
Өнгөрсөн оны 8-р сараас эхлэн Увс аймгийн Малчин суманд газрын тосны хайгуул хийгдэж 19-н сумын 12-т нь хайгуул хийх зөвшөөрлийг “Монголиа Гладвилл Увс Петролиум” компани авсан байдаг ажээ. 9-р сарын 10-ны өдөр засаг даргын захирамжаар байгуулагдсан Аймгийн ЗДТГ, БОГ, МХГ, ЦГ, Гадаадын иргэн, харъяатын албаны мэргэжилтнүүдийн бүрэлдэхүүнтэй ажлын хэсэг “Монголиа Гладвилл Увс Петролиум” компанийн үйл ажиллагаа явуулж байгаа газар дээр нь очиж ажиллаад зөрчлөө засах хүртэл нь тус компанийн үйл ажиллагааг тодорхойгүй хугацаагаар зогсоосон байна.
А.САЯН