Хүн төрөлхтний эв нэгдлийн бэлгэдэл болсон зуны пара олимпийн XV наадмын хаалт өчигдөр Бразилын Рио-де-Жанейро хотод "Маракана" цэнгэлдэх хүрээлэнд болж өндөрлөлөө. Манай улсаас 8 тамирчин оролцож хос хүрэл медалийг эх орондоо авчирсан.
Жүдо бөхийн эрэгтэйчүүдийн 60кг-ийн жинд хүрэл медаль хүртсэн Дорноговь аймгийн уугуул Б.Ууганхүүд нутгийн зон олон хүндэтгэл үзүүлэхээр болжээ. Хүндэтгэлийн арга хэмжээнд Улсын Их Хурлын гишүүн Б.Дэлгэрсайхан, аймгийн Засаг дарга Т.Энхтүвшин, Засаг даргын тамгын газрынхан, аймгийн ИТХ болон нийт ард иргэд оролцох юм байна. Хүндэтгэлийн арга хэмжээ 10 дугаар сарын 2-ны өдөр болох ажээ.
А.САЯН