Баян-Өлгий аймгийн “Ховд гол”-ын усанд дахин нэг иргэн осолджээ. Тодруулбал, Энэ сарын 18-нд Баян-Өлгий аймгийн Улаанхус сумын 2 дугаар багийн нутаг “Хөх толгой” гэдэг газарт загасчилж явсан 25 настай А “Ховд гол”-ын усанд осолдсон тухай мэдээллийн дагуу тус аймгийн Онцгой байдлын газрын эрэн хайх, аврах бүлгийн таван албан хаагч, нэг техник хэрэгсэлтэйгээр ажиллаж байна. Мөн ням гаригт буюу энэ сарын 10-нд “Ховд гол”-д 9-р ангийн, 14 настай хоёр эрэгтэй сурагч юм угааж байгаад хөл алдаж, осолдсон харамсалтай хэрэг гарсан юм.
А.САЯН
