Сэлэнгэ аймгийн нэгдсэн эмнэлэг дээр өнөөдөр "Хавдрын эсрэг үндэсний аян 2016" нээлтээ хийлээ. Аяны хүрээнд ХСҮТ-ийн эмч нарын баг Сэлэнгэ аймагт эрсдэлт бүлгийн хүн амыг хавдрын нарийн мэргэжлийн үзлэг, шинжилгээ, оношлогоонд хамруулах, шаардлагатай тусламж үзүүлэн ажиллах юм. Мөн мэс заслын эмч нарын баг хорт хавдрын мэс эмчилгээг хийж, иргэдэд тусламж үйлчилгээг шуурхай үзүүлэхээс гадна орон нутгийн эмч, мэргэжилтнийг ажлын байранд нь дагалдан сургаж, дадлагажуулах ажээ.
"Хавдрын эсрэг үндэсний аян 2016"-г энэ жилийн хувьд нийт 8 аймагт хэрэгжүүлж байгаа бөгөөд Сэлэнгэ аймагт хэрэгжсэнээр өндөрлөж байгаа юм. Үүний өмнө Ховд, Завхан, Хөвсгөл аймгуудад ажиллаж ард иргэдийг хавдрын нарийн мэргэжлийн үзлэг оношилгоонд хамруулжээ. Сэлэнгэ аймагт эхэлсэн энэхүү аян энэ сарын 30-ныг хүртэл үргэлжилнэ.
А.САЯН
