АН-ын Орон нутгийн сонгуулийн штабын менежер, УИХ-ын гишүүн Д.Эрдэнэбат маргааш Дундговь аймагт ажиллан орон нутгийн иргэд сонгогчидтойгоо уулзах гэж байна.
Дундговь аймагт олонх болж засаглалын эрхийг барьж байгаа МАН өнөөдөр төрийн албан хаагчдыг хоморголон халж өмнөх дөрвөн жилд АН-ын хийсэн сайн ажил бүхнийг гацаан зогсоож байгаад нутгийн иргэд ихээхэн бухимдалтай байгаа билээ. Жишээ нь аймгийн иргэдийн хамгийн ихээр дэмжиж байсан "Сайжруулсан зуух", "Төв цэнгэлдэх хүрээлэн" зэрэг төслүүдийг зогсоосон байна. Халаа сэлгээг зөвхөн удирдах албан тушаалтны хүрээнд бус төрийн байгууллагад олон жил ажиллаж байгаа цэвэрлэгч, үйлчлэгч, манаач гээд энгийн ажилтан албан хаагчдыг ч хоморголон халж олон иргэдийг ажилгүй болж байна.
АН-ыханы зүгээс энэ бүх хууль бус үйл ажиллагаатай тэмцэж ард иргэдийнхээ эрх ашгийг хамгаална гэдгээ илэрхийлэн тэднийхээ дуу хоолойг сонсохоор уулзалтыг зохион байгуулах гэж байгаа юм байна. МАН Аймгийн ИТХ-д 19, АН 14 суудал авсан билээ. Олонх болсон МАН анхнаасаа л АН-аас сонгогдсон Иргэдийн хурлын төлөөлөгчдийн хуралдаа оролцох эрхэд халдан иргэдээ төлөөлөх эрхийг ноцтой зорчиж ирсэн байна. Энэ бүх асуудлыг иргэд сонгогчидтойгоо нээлттэй ярилцахаар АН-ын Орон нутгийн сонгуулийн штабын менежер, УИХ-ын гишүүн Д.Эрдэнэбат, Дундговь аймгийн АН-ын удирдлагууд болон орон нутгийн сонгуульд нэр дэвшигчид өргөтгөсөн уулзалтыг зохион байгуулах гэж байна. Уулзалт маргааш 18 цагт болох юм байна.
Л.ГАНТУЯА