Явган аяллынхан Богд уулаар аялахдаа, сэтгэл нь өвдөхдөө ийм зураг авч, ирүүлжээ. Энд тэндгүй хог хаягдал, дээр нь зодуулж нүдүүлсэн мод. Модны нулимсыг олж харахгүй ч, самарчид дэндүү муухай авирлажээ.
Ой хамгаалагч, байгаль хамгаалагч гээд цалин аваад суудаг тэдгээр хүмүүс хаана байна вэ? Богд уулын захиргаа гэж бас нэгэн төсвийн мөнгөөр санхүүждэг байгууллага байдаг гэсэн. Амьд байгаа бол, ажлаа эрхэлж байгаа бол, барьж зогсоож чаддаггүй юм бол ядахдаа дуу хоолойгоо нэгтгээч, та нар.
Самарчдыг барина гээд, уулын ам сахиад сууж байхаа болиод, ой руугаа ороод, самнаад, байгаль орчноо хамгаалбал ямар вэ? Буугаад ирэхээр нь самрыг нь хураачихаад л боллоо гэдэг гэнэн ойлголтоос салах цаг болсон юм биш үү?! Оюунхорол сайд аа! Таны мэдлийн албан тушаалтнууд ажлаа эрхэлж чадаж байна уу, үгүй юу? Танд Богд уул хамаатай юм, үгүй юу? гэж иргэд асууж байна.
Шударга иргэдээс ирүүлсэн мэдээллийг түшиглэн бэлтгэсэн Ц.ХИШГЭЭ