ИТАР ТАСС агентлагын мэдээлснээр, Владимир Путин амралтын өдрүүдэд Энэтхэгийн Гоа хотод БРИКС-ийн орнуудын удирдагчдын 8-р хуралд оролцох үеэр хэвлэлийн бага хуралд оролцсон байна.
Тэрээр хэлэхдээ, “ОХУ-тай хамтран ажиллах хүсэлтэй байгаа улс орны төлөөлөл бүгд манай улсыг сайшааж байна. Зарим оронтой маргаан хийх явдал нь өөрт заналхийлэлийг бий болгож байгаа хэдий ч, терроризмийн эсрэг цохилт өгөхөд зөв алхам болно” гэлээ. Мөн тэрээр АНУ-ын ерөнхийлөгчийн сонгуулийн дараа ОХУ, АНУ-тай харилцаагаа сайжруулахыг хүсэж байна" гэжээ.
Сэтгүүлчид түүнээс АНУ-ын ерөнхийлөгчийн сонгуульд ОХУ нөлөөлөх гэж оролдсон эсэх талаар асуухад "АНУ-ын ерөнхийлөгчийн сонгуульд ОХУ хөндлөнгөөс оролцох санаагүй. Учир нь сонгуулийн дараах байдлыг төсөөлөхийн аргагүй юм” гэж хэлсэн байна.
Энэхүү чуулга уулзалтан дээр ОХУ, ЭНЭТХЭГ улсууд батлан хамгаалах болон эрчим хүчний салбарыг хамарсан нийт 16 гэрээ байгуулсан билээ.
Батлан хамгаалах салбарын гэрээнүүдийг дүгнэж хэлэхдээ Нарендра Моди “Манай бүс нутагт заналхийлж байгаа хил дамнасан терроризмтай тэмцэх үйлсийг ОХУ улс ойлгон дэмжиж байгаад гүнээ талархаж байна” гэжээ.
Тэрээр мөн хэвлэлийн бага хурлын үеэр “Хоёр шинэ нөхрөөс хуучин нэг найз илүү” гэж хэлсэн нь анхаарал татсан явдал болсон юм.
Э.ЦЭНД
