АНУ-ын Ерөнхийлөгчийн сонгуульд өрсөлдөж байгаа Дональд Трамп ялалт байгуулбал эхний 100 хоногт хийх ажлаа танилцуулжээ.
Тэрээр цагаан ордны экс ажилтнуудын лоббийг хязгаарлаж, Конгрессын гишүүн, сенатчдын бүрэн эрхийн хугацааг багасгана хэмээн мэдэгдлээ. Үүнээс гадна 2 сая цагаачийг нутаг руу нь буцаана гэсэн юм. Тэрээр мөн өөрийг нь шалиг, зүй бус үйлдэл гаргасан хэмээн ярьж байгаа бүх эмэгтэйг шүүхэд өгнө гэж мэдэгдэв. Одоогоор 10 эмэгтэй Трампыг зүй бус авирласан, эргүүлж хоргоосон хэмээн гомдоллоод байгаа ч Трамп “Тэд бүгд худал ярьж байна. Тийм юм огт болоогүй” гэлээ.
О.НАНСАЛМАА