Пакистаны баруун өмнөд нутгийн Белужистан мужийн төв Кветта хотын цагдаагийн академид өчигдөр орой халдлага болсны улмаас наад зах нь 48 хүн амь үрэгдэж 100 гаруй хүн шархадсан байна.
Пакистаны армийн төлөөлөгчийн хэлснээр, академийн байр руу тэсрэх бөмбөг бүхий бүс зүүсэн гурван амиа золиослогч дайран орж, хоёр нь тэсрэх бөмбөгнүүдээ дэлбэлсэн байна.
Белужистан мужийн Дотоод хэргийн газрын дарга Сарфараз Бугти хэлэхдээ, "Зэвсэгт этгээд тухайн үед 200-250 орчим цагдааг барьцаалсан. Тэдгээрийн ихэнх нь шархдаж цонхоор зугтааж гарахдаа бэртэл авсан байна. Халдлага гарсны дараа, аюулгүй байдлыг хамгаалагчид уг сургуулийг бүслэн авч, зэвсэгт этгээдийн эсрэг дайралт хийсэн" гэлээ. Гурав дахь амиа золиослогч этгээдийг Пакистаны цэргийнхэн устгасан байна.
Ц.ХИШГЭЭ
