НАСА-гийн эрдэмтэд 2004 онд Дэлхийн дулаарал манай гарагийн цэвэр усны томоохон нөөц буюу хойд мөсөн далайд заналхийлж байна гэж мэдээлж байсан. Тэгвэл өчигдөр CNN агентлаг хойд мөсөн далайн сансраас авсан зургийг дүрс бичлэгээр үзүүлсэн юм. 1984 онд 2,1 сая километр квадрат талбайг эзэлж байсан.
Харин одоо 211 мянган километр квадрат талбайг эзэлж байна хэмээн мэдэгдлээ. Хойд мөсөн далай нь Еврази ба Хойд Америкаар хүрээлэгдэн орших ба усны температур, давсжилтын хэмжээ нь улирлаас хамаардаг байна. Бусад далайтай харьцуулахад харьцангуй бага давсжилттай бөгөөд хамгийн бага ууршилттай далай юм. Иймээс манай гарагийн цэвэр усны нөөцөд тооцогддог хэмээн НАСА-ийн эрдэмтэд мэдэгдсэн. Мөн зуны улиралд нар жаргадаггүй бөгөөд энэ нөхцөл байдал нь ихээхэн нөлөөлж байна гэлээ. “Дэлхийн дулаарлын улмаас Хойд мөсөн далайн мөс хайлан, Хойд Атлантын далайд ихээхэн хэмжээний цэвэр ус нийлнэ. Энэ үзэгдэл нь Атлантын далайн урсгалыг өөрчилж болзошгүй хэмээн таамагладаг байна. Хэрэв Дэлхийн дулаарал энэ хэвээр нэмэгдэж озоны давхарга нимгэрсээр байвал манай гарагийн цаг уурыг ихээхэн өөрчилж болзошгүй юм” хэмээн ОХУ-ын ус цаг уурын эрдэмтэд сануулж байжээ.
Х.ТЭМҮҮЖИННАМСРАЙ
