Жакарта хотын дарга Басуки Тжахажа Пурнама-г лалын шашинтнууд болон коран судрыг гутаан доромжилсон хэмээн лалын шашинт индонезчууд үзэн, нийслэл хотдоо томоохон эсэргүүцлийн жагсаал хийжээ.
Өчигдөр нийслэл Жакарта хот дахь засгийн газрын ордны өмнө болон өөр хэд хэдэн газарт болсон жагсаалын үеэр цагдаа болон эсэргүүцэгчдийн хооронд мөргөлдөөн болсон байна. Цагдаа нар жагсаалд 50 мянга орчим хүн оролцсон гэж хэлжээ.
Жагсагчид лалын шашны Коран судрыг доромжилсон Жакарта хотын захирагч Басуки Тжахажа Пурнама-г шоронд хорихыг жаардан орилолдож байжээ. Ирэх оны хоёрдугаар сард болох сонгуулиар өөрийг нь дахин сонгохыг Басуки ард иргэдэд уриалан үг хэлэхдээ “Миний өрсөлдөгчид коран судрын сургааль номлолыг ашиглан сонгогчдын толгойг эргүүлж байна. Тэднийг дэмжихгүй байхыг би та бүхэнд уриалж байна” гэж хэлжээ. Баасан гарагийн жагсаалын үеэр эсэргүүцэгчдийн зарим нь танхайран цагдаагийн тээврийн хэрэгслүүдэд гал тавьж байсан бөгөөд цагсаалын үер гурван цагдаа бэртэж гэмтжээ. Цагдаа нар нулимс асгарруулагч хий ашиглан жагсаалын намжаасан бөгөөд дахин жагсаал болж болзошгүй байгаа учир Индонезийн цэрэг, цагдаагийнхан бэлэн байдалд шилжээд байгаа ажээ.
Эх сурвалж : МОНЦАМЭ