Галлагааны улиралд иргэд санамсар болгоомжгүй байдал, чанаргүй зуухнаасаа болж угаартаж амиа алдах тохиолдол гарсаар байна.
Энэ сарын эхээр Завхан аймагт гурван хүүхэд гэртээ нүүрсний утаанд угаартаж 10 настай эрэгтэй хүүхэд амиа алдаж, талийгаачийн хоёр эгч угаарталтын гүн хордлогод оржээ.
Хордлогод орсон хүүхдүүд сумын эмнэлэгт хордлого тайлах эмчилгээ хийлгэж байгаа юм. Хүүхдүүдийн эцэг эх хөдөө мал дээр байдаг харин хүүхдүүд нь сумын төвд байдаг байжээ.
Хүйтний улирал болж байгаатай холбогдуулан та бүхэн нүүрс түлэхдээ зуухныхаа ам онгорхой эсэхийг шалгах, түлээ нүүрсийг бүрэн шатаах, сайжруулсан зуух, түлш хэрэглэх, шөнийн цагаар хэт их нүүрс түлэхгүй байх зэргээр гарч болох эрсдэлээс урьдчилан сэргийлээрэй.
А.ГАНТУЯА