Америкчууд амиа бодохоор шийдэв. Тэд бүгдийг удирдах биш, өөрсдөө сайн сайхан амьдрахыг хүсэж, тэр хүслээ илэрхийллээ. Тэд Цагаан орныхон АНУ-ыг, хэдхэн гэр бүл, тэр дотроо, аав, хүү, нөхөр, эхнэр ээлжлэн Америк улсыг удирдахаас татгалзлаа.
Тэд хаан ширээг залгамжилдаг явдлыг тас цохилоо гэж европын хэвлэлд дурджээ. Зарим хэвлэлд, АНУ-д хүйсийн тэгш эрх хангагдаагүй нь харагдлаа. Цагаан арьстан эмэгтэй ч, хар арьстан эрэгтэйгээс дор юм байна гэхчилэн английн таблойд хэвлэлд нийтэлжээ.
Тэд хуурамч дүр төрхтэй америк маягийн ардчиллаас ч залхаж байна гэсэн ишлэлийг ихээхэн татаж байна. Америк иргэн бүр өртэй, өрийн сүлжээнд баригдсан, хамаг амьдралаа, залуу насныхаа хамгийн эрч хүчтэй, оргил үеэ төр хэмээх байгууллагадаа, татвар хэмээх юмаар "шулуулж" байгаадаа дургүйцсэний илрэл ч гэж бичжээ. Тэд бий болгосон баялгаа бусадтай хуваалцах эрмэлзэлгүй байна. Тиймээс цагаачдыг хөөх, зайлуулах Трампын бодлогыг хэрэгжүүлэхийн төлөө түүнийг сонголоо. Харин нэг сайн тал нь, Оростой дүрэлзэхэд ойртож байсан, дайны аюул намжина гэж тоймчид цохон тэмдэглэж байна.
Ц.ХИШГЭЭ