Хятад-Европыг холбосон Улаанцав-Алматаг чиглэлийн Х9503 дугаар галт тэрэг Өвөрмонголын Улаанцав аймгийн өртөөнөөс өчигдөр хөдөлжээ. 41 вагонтой галт тэрэг Улаанцав, Бугат, Хөхмөрний гурвалжин хойг, Бээжин, Тяньжинь, Хэбэй, Шандун нутгуудийн үйлдвэрлэлийн тоног төхөөрөмж, гэр ахуйн бараа, барилга байгуулалтын материал зэрэг олон төрлийн бараа бүтээгдэхүүнийг Казахстаны хамгийн том хот Алматад хүргэх зорилготой юм байна.
Галт тэрэг "Алаг уулын ам" боомтоор гарч, 4532 километр замыг 8 хоног туулж хүрэх аж. Хүргэсэн бараа бүтээгдэхүүнээ төв Азийн хамгийн том худалдааны төв Алматад хүргэсний дараа Төв, Баруун Ази, Европын олон хотуудаар тараах ажээ.
Ц.ХИШГЭЭ