Путин гэж хэн бэ? Тэр ямар зорилго агуулж байна вэ? Тэр АНУ-тай ямар харьцаатай байхыг хүсэж байна вэ? гэдэг асуудлыг Америкийн улс төр судлалын шинжээчид олж тогтоохыг хичээжээ.
Тэдний үзэж буйгаар, Путин өөрийгөө их удирдагч гэж хэлүүлэхийг эрмэлздэггүй, харин Орос гүрнийг АУГАА ГҮРЭН болгож хөгжүүлэх, түүнийгээ зөвшөөрүүлэхийг чухалчилдаг гэжээ. АНУ нь Орос улстай дээрээс доош харж биш, Хүчирхэг Гүрэн нөгөө Хүчирхэг Гүрэнтэй харьцах тэр л харьцаагаар харилцдаг болгохыг Путин зорьж байна гэж эрдэмтэд тодорхойлсноо Трампад уламжилжээ. Орос оронд тэгэхээр 2 Путин бий. Нэг нь хүчирхэг улс болохыг хүссэн ерөнхийлөгч, нөгөө нь эдийн засаг нь доройтсон улсын тэргүүн. Тиймээс хүчирхэг Путинаас гадна, сул эмзэг Путин байгаа гэдгийг ч харьцаандаа тооцохыг эрдэмтэд Трампад зөвлөлөө.
А.ГАНТУЯА