.jpg)
Өнөөдөр үүрээр буюу 06:09:23 цагт Баянхонгор аймгийн Баянговь сумын төвөөс баруун хойд зүгт 20 км-т 4.6 магнитутын хүчтэй газар хөдлөлт болсон байна. Энэ талаар тус сумын Засаг даргын Тамгын газрын даргаас тодруулахад “Чичирхийлэл мэдрэгдсэн, ямар нэгэн хохирол учраагүй” гэсэн мэдээллийг өгсөн байна.
Мөн Өмнөговь аймагт өглөөний 10.06 цагт Цогтцэций сумын Цагаан Овоо багаас зүүн урагш 10 килеметрт 3.8 магнитуттай газар хөдлөлт болж чичирхийлэл мэдрэгдсэн байна.
Уг чичирхийлэл өчигдрөөс эхэлсэн бөгөөд энэ талаар тус аймгийн Гамшгаас хамгаалах төлөвлөлт бэлэн байдал хариуцсан ахлах мэргэжилтэн Ч.Бат-Эрдэнээс тодруулахад “Өчигдөр өглөөний 09.38 цагаас эхлээд өнөөдрийг хүртэл ойр ойрхон давтамжтай 20 орчим удаагийн газар хөдлөлт боллоо” хэмээн мэдэгджээ. Иймд газар хөдлөлт болсон Цогтцэций сумыг өндөржүүлсэн бэлэн байдалд шилжүүлэхээр болсон байна.
Эх сурвалж : Одон орон геофизик судалгааны хүрээлэн
