Өмнөд Солонгос улсын Төв банк өнгөрсөн жил "Солонгос улс 2020 он гэхэд зоосон мөнгийг гүйлгээнээс хасахаар боллоо" хэмээн мэдээллэж байсан.
Тэгвэл энэхүү ажлын хүрээнд 2017 оны 1-р сарын 1-нээс эхлэн зоосон мөнгийг гүйлгээнээс хасах бодитой ажлыг эхлүүлэхээр болжээ.
Тухайлбал дэлгүүр, хоолны газар гэх зэрэг үйлчилгээний газрууд задгай мөнгө хариулж өгөх болсон бол, хариулт мөнгөтэй тэнцэх хэмжээний мөнгийг тухайн хүний нийтийн тээврээр үйлчлүүлэх автобусны карт эсвэл банкны картанд нь цахим гүйлгээгээр нэмж өгөх юм байна.
Солонгос улсад эдүгээ 10, 50, 100-тын зоосон мөнгийг гүйлгээнд хэрэглэж байгаа. Гэвч дэлхийн 140 гаруй оронтой хийж байгаа гадаад харилцааны төлбөр тооцоонд задгай мөнгө хэрэглэх нь тийм ч тохиромжтой биш байгаа төдийгүй зоосон мөнгө үйлдвэрлэх зардал их байгаа байдлаас болж түүнийг гүйлгээнээс хасахаар болсон байна.
Зоосон мөнгийг гүйлгээнээс хассанаар тухайн улсын иргэдийн бэлэн мөнгөний хэрэглээ багасах ба эдүгээ Англи, Швед, Дани зэрэг орнууд зоосон мөнгийг гүйлгээнээс хассан байна.
Эх сурвалж : MGLRADIO.COM