Өмнөд Солонгос улсын Их Хурлаас бизнес эрхлэгч Чуй Сүн Шил-ийн хэрэгтэй холбогдуулан уг хэргийг шалгах ажлын хэргийг байгуулсан. Тус ажлын хэсгээс бизнес эрхлэгч Чуй Сүн Шил-ийн санаачлан байгуулсан гэгдэх үндэсний хэмжээний сайн дурын хоёр том санд их хэмжээний мөнгөн хандив өгсөн группуудын ерөнхий захирлуудаас асуулга авахаар болсон байна.
Үүнтэй холбогдуулан SK, LG, Hyundai, CJ, GS, Lotte, Hanjin, Hanhua, Samsung зэрэг есөн группийн ерөнхий захирлууд өнөөдөр асуулга өгөхөөр цугларчээ.
Ажлын хэсэгт багтсан Их Хурлын гишүүд тэднээс мөнгөн хандивыг хэн нэгний дарамт шахалтаас болж өгсөн эсэх, Ерөнхийлөгч Пак Гын Хе болон бизнес эрхлэгч Чуй Сүн Шил нартай хандив өгөх асуудлаар тусгайлан уулзсан эсэх зэргийг асууж тодруулах юм байна.
Эх сурвалж : MGLRADIO.COM
