БОАЖЯ, МБОИЗ ХАМТРАН АЖИЛЛАНА

2017-01-11  

БОАЖ-ын сайд Д.Оюунхорол, Монголын байгаль орчны иргэний зөвлөлийн тэргүүн Б.Эрдэнэ нар  2017-2018 онд хамтран ажиллах гэрээнд гарын үсэг зурлаа.
БОАЖЯ, төрийн бус байгууллагуудтай шийдвэр гаргах түвшний оролцоог хангах,төрийн тодорхой чиг үүрэг, зарим үйл ажиллагааг гэрээгээр гүйцэтгүүлэх, мэдээллийн нээлттэй байдлыг хангах, мөн иргэний нийгмийн байгууллагууыг чадавхижуулах чиглэлээр хамтран ажилладаг.

МБОИЗ нь  байгаль орчныг хамгаалах, нөхөн сэргээх, сургалт судалгаа хийх чиглэлээр үйл ажиллагаа явуулдаг 1400 гаруй ТББ-ыг нэгтгэсэн  байгууллага юм.

Хамтран ажиллах гэрээнд гарын үсэг зурах ёслолын үеэр БОАЖ-ын сайд Д.Оюунхорол “Байгаль орчныг хамгаалах чиглэлээр идэвхтэй үйл ажиллагаа явуулдаг МБОИЗ нь үндэсний хэмжээний байгууллага болсон. Байгаль орчин эх дэлхийгээ хамгаалах үйлдсэд гар бие оролцож, хамтран ажиллаж чаддаг хамт олон болж төлөвшсөн байгууллага гэж ойлгодог. Хоёр талын хамтын  ажиллагааны үр дүнд ТББ-ууд мэргэшиж, төрөлжиж, чадавхжиж байгааг онцлоход таатай байна.

Эдгээр ТББ нь иргэд, олон нийтийн байгаль орчны  мэдлэгийг нэмэгдүүлэх,  байгальд ээлтэй дадал хандлагыг нь өөрчлөх, тухайн орон нутгаа тогтвортой хөгжүүлэх шийдвэр гаргах, шийдвэрийг хэрэгжүүлэхэд идэвхтэй оролцогч нь болгон хөгжүүлж өгдөг ач холбогдолтой” гэв. Монгол Улсын Засгийн газрын 2016-2020 оны үйл ажиллагааны хөтөлбөрт Байгаль орчин, ногоон хөгжил, аялал жуулчлалын чиглэлээр 26 зорилт,  хөтөлбөрийг хэрэгжүүлэх төлөвлөгөөнд 90 арга хэмжээг төлөвлөн хэрэгжүүлж эхлээд байгаагаа ч сайд онцлов.

Мөн ТББ нь сайн дурын зөвшилцөл, сонирхлын үндсэн дээр байгуулагдаж, төртэйгээ түншилж ажиллахдаа эрх мэдлийн төлөө, хэсэг бүлэг хүмүүсийн ашиг сонирхлыг өмнөө тавьдаггүй байх ёстой гэж үзэж буйгаа БОАЖ-ын сайд Д.Оюунхорол илэрхийллээ. Түүнчлэн хууль бус мод бэлтгэлтэй тэмцэх, Орхон голын эхэнд олборлолт хийж байгаа аж ахуйн нэгжийн үйл ажиллагаанд хяналт шалгалт хийх зэрэг тодорхой ажлууд дээр хамтрах,  яам, харьяа газрын  тендерийн үнэлгээний хороодод ТББ-уудын төлөөлөл албан ёсоор оролцон ажиллаж байгааг салбарын сайд онцоллоо. МБОИЗ-ийн хувьд өнгөрсөн арваннэгдүгээр сард ээлжит тавдугаар чуулганаа хийж, удирдлагуудаа шинээр сонгосон.

МБОИЗ-ийн тэргүүн С.Эрдэнэ гэрээнд гарын үсэг зурах үеэрээ, байгаль орчинд тулгамдаж байгаа олон асуудал бий. Энэ бүхнийг шийдвэрлэхийн төлөө хамтын ажиллагаагаа үргэлжлүүлж байгаад Д.Оюунхорол сайдад талархал илэрхийлж, төр, засгийн зөв бодлого, үйл ажиллагааг МБОИЗ дэмжиж ажиллахаа мэдэгдлээ. 
Мөн тэрээр МБОИЗ-ийг шинэ шатанд гаргахад хамтарч ажиллах зүрх сэтгэлтэй, байгаль орчны чиглэлээр олон жил ажил ажилласан туршлагатай эрдэмтэн судлаачид баг болж нэгдсэн юм.

 

 

А.ЦЭРЭНДУЛАМ 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Д.ОЮУНХОРОЛ: ТУСГАЙ ХАМГААЛАЛТТАЙ ГАЗАР НУТАГТ ХАДЛАН БЭЛТГЭХ ЖУРАМ БОЛОН ТЭНД ӨВӨЛЖИЖ БОЛОХ ӨРХИЙН ТООГ ГАРГАХААР АЖИЛЛАЖ БАЙНА
БОАЖ-ЫН САЙД Д.ОЮУНХОРОЛ ХБНГУ-ЫН СЭРГЭЭН БОСГОЛТ ЗЭЭЛИЙН БАНКНЫ ТӨВ САЛБАРЫН ҮНЭЛГЭЭНИЙ БАГИЙН ТӨЛӨӨЛӨГЧИДТЭЙ УУЛЗЛАА
Г.НЯМДАВАА : АРХАНГАЙ АЙМАГТ ИХ ХЭМЖЭЭНИЙ БОРОО ОРСНЫ УЛМААС ОРХОН ГОЛ ҮЕРТ АВТСАН
Г.НЯМДАВАА: АРХАНГАЙ АЙМАГТ ТАСРАЛТГҮЙ БОРОО ОРСНЫ УЛМААС ОРХОН ГОЛ ҮЕРТ АВТСАН
БОАЖ-ЫН САЙД Д.ОЮУНХОРОЛЫН ТУШААЛААР ГАРСАН АЖЛЫН ХЭСЭГ ТУУЛ ГОЛЫН САВ ГАЗАРТ ШАЛГАЛТ ХИЙЛЭЭ
А.ЭНХБАТ: БИЧИЛ УУРХАЙ НЭРИЙН ДОР ГОЛЫН ГОЛДРИЛ ӨӨРЧЛӨН, БАЙГАЛИА СҮЙТГЭН АЛТ ОЛБОРЛОЖ БАЙНА
СЭЛЭНГЭ, ДАРХАН-УУЛ АЙМГИЙН НУТАГТ АШИГТ МАЛТМАЛЫН ОЛБОРЛОЛТ ЯВУУЛЖ БАЙГАА АЖ АХУЙ НЭГЖҮҮДЭД ШАЛГАЛТ ХИЙЛЭЭ
НИЙСЛЭЛИЙН НОГООН БҮСЭД ОЙН ЦЭВЭРЛЭГЭЭ ХИЙЖ БАЙНА
ӨРӨӨСГӨЛ ХҮР ЭРВЭЭХЭЙГ УСТГАХ ТАЛААРХ ЗӨВЛӨМЖ
Ц.ЦЭНГЭЛ: ИРГЭНИЙ НИЙГМИЙН БАЙГУУЛЛАГУУД БАЙГАЛЬ ХАМГААЛАХ ҮЙЛСЭД ОРОЙЛОН ОРОЛЦОЖ БАЙГААД БАЯРТАЙ БАЙНА
Шинэ мэдээ
Санал асуулга
ЦЭЦЭРЛЭГИЙН ЦАХИМ БҮРТГЭЛД ТА ИТГЭЖ БАЙНА УУ ?