Монголтой их л ойр төстэй зүйлийг Трамп 1988 онд Опрагын шоунд оролцохдоо хэлж байсан байх юм. Орос хэлтэй нэг нь өөрсдөө ойлгоно, ойлгохгүй нэгэнд нь хэлсэн үгийг нь хураангуйлан сийрүүлье.
Опра : -Та ерөнхийлөгчийн сонгуульд оролцвол ялна гэдэг?
Трамп : - Би сайн мэдэхгүй байна. Гэхдээ би ялагдах зүйл рүү амьдралдаа орж байгаагүй. Би шийдсэн л бол хийдэг. Ерөнхийлөгчид нэр дэвшихэд надад ялах шаанс илүү бий гэж бодож байна. Олон нийт хэрхэн үздэгийг би мэдэхгүй юм, гэхдээ улс орныг чинь нүдэн дээр чинь цөлмөөд дууслаа шүү дээ. Ард иргэдийн итгэл алдарч, ядарч цөхөрсөн байна. Би ганцхан зүйлийг итгэлтэй хэлж чадна. АНУ бол маш их мөнгө хийх боломжтой. Энэ хэдэн хүмүүс өнгөрсөн 25 жилийн хугацаанд өөрсдөө л гахай мэт таргалж, хөрөнгөжлөө шүү дээ. Бүх зүйлийг өөрчлөнө, надад итгээрэй.
Ингэж одоогоос 29 жилийн өмнө залуу Трамп хэлж байжээ. Тэр ганц Хиллариг биш, Цагаан ордныг бүхэлд нь ялж АНУ-ын ерөнхийлөгчөөр сонгогдлоо. Тэр орхигдсон жирийн ард иргэдийн эрхийг хамгаална гэдэгтээ хүрэхээр энэ өндөрлөгт гарлаа. Тэр өөрийнхээ ялалтыг цэргийн эргэлттэй зүйрлэж байгаа нь оргүй зүйл биш юм. Тэр ажлаа Тагнуулын төв газраас эхэлнэ гэсэн нь дэлхий нийтийн анхааралд байна.
Ц.ЭНХБАТ