Монгол Улсын Ерөнхий сайд Ж.Эрдэнэбат 3-р сарын 22-нд Ховд аймагт, 23-нд Говь-Алтай аймагт, 24-нд Баянхонгор аймагт тус тус ажилласан юм.
Баянхонгор аймгийн хувьд 30 гаруй мянган хүүхэдтэй. Гэтэл хүүхдийн хөгжил, хамгааллаар мэргэшсэн ажилтан хүрэлцээгүйбайна.Нийгмийн халамж, дэмжлэг шаардлагатай, хөгжлийн бэрхшээлтэй болон харж хандах хүнгүй иргэд төрийн халамжийн үйлчилгээнээс орхигдож байна. Залуу малчдыг бэлтгэх, малаа эрүүлжүүлэх, бэлчээрийг усжуулах зэрэг нь тус аймгийн малчдад тулгамдсан асуудал боллоо гэдгийг иргэд хэлээд Засгийн газраас анхаарч ажиллахыг хүслээ.
Мөн ноос, ноолуур боловсруулах үйлдвэр байгуулах нь хөдөө аж ахуй, хөнгөн үйлдвэрийн салбарын гол бодлого байх болно гэхчлэн энэ салбарт хийхээр зорьж буй болон хэрэгжүүлж эхэлсэн зарим ажлаа Засгийн газрын тэргүүн иргэдтэй уулзах үеэрээ танилцууллаа.
Ерөнхий сайд Ж.Эрдэнэбат өнөөдөр Өвөрхангай аймагт ажиллана. Энэ үеэр иргэлтэй уулзалт хийж, Засгийн газраас хийж хэрэгжүүлж байгаа бодлого шийдвэрийн талаар танилцуулна. Өвөрхангай аймагт тулгамдаж байгаа талаар сонсож энэ онд хийх хөрөнгө оруулалтын талаар мэдээлэл өгнө. Өвөрхангай айсагт ажилаад Ерөнхий сайдын орон нутагт ажиллах томилолт дуусах юм байна.
А.ЦЭРЭНДУЛАМ