Ким Жон Уны эцэг нэгт ах талийгаач Ким Жон Намын шарилыг шинжилж байсан Малайзын есөн иргэн нутаг буцах боломжтой болжээ. Учир нь тэд шарилыг нь шинжилж дуусаад Хойд Солонгос руу илгээсэн байна. Шарилыг нь шинжилж дуусаад Хойд Солонгос руу илгээсэн байна. Энэ талаар Пьёньянд суугаа Малайзын ерөнхий сайд Нажиб Разак өчигдөр зарлажээ. Өнгөрсөн хоёрдугаар сарын 13-нд Куала Лампурын нисэх буудалд хорлогдсон Ким Жон Намын шарилыг төрсөн нутаг Хойд Солонгос руу нь илгээх хүсэлтийг түүний гэр бүлийнхэн Малайзын талд ирүүлсэн байна. Энэ дагуу ийнхүү шарилыг нь явуулснаар Хойд Солонгосыг орхиж явахыг нь хориглоод байсан Малайзын есөн иргэн өчигдөр орой Пьёньянаас нисэж, өнөөдөр өглөө Куала Лумпурт буухаар болжээ. Мөн Малайзад суугаа Хойд Солонгосын иргэдийн гарч явах хоригийг зогсоосон байна. Ингэснээр нэг хэсэг муудаад байсан Хойд Солонгос-Малайзийн харилцаа тогтворжиж эхэлж байгааг олон улсын хэвлэл мэдээллүүд онцолжээ.
Ц.ХИШГЭЭ