Миний эхнэртэй болох асуудал чухал биш. Эхлээд салсан эхнэр Людмилагаа нөхөртэй болгох хэрэгтэй гэж Путин сэтгүүлчдийн асуултад хариулж байсан цаг бий. Тэгвэл түүний анхны эхнэр Людмила нөхөртэй болсон тул, Путины хоёр дахь эхнэр хэн бэ? гэдэг асуулт Оросын сониуч хэвлэлийнхний хараанаас мултрахгүй байгаа. Саяхнаас, түүний хоёр дахь эхнэрийг дуучин Кобзон мэднэ гэдэг цуу тарсан байна. Кобзон ч түүнийг үгүйсгэсэнгүй. " Путины хоёр дахь эхнэр бол аугаа их ОРОС орон. Тэр хоёр дахь эхнэртээ туйлаас хайртай. Түүнийхээ төлөө амиа золиход бэлэн" гэж нууцыг нь тайлсан байна. 2015 оны дэлхийн хамгийн нөлөө бүхий хүний халамжид Орос орон, оросын ард түмэн шилжжээ.
Тоймч Д. ЛХАГВАА
