Хөөсөрсөн хүйтэн пиво ууж, гахайн сосискоор даруулдаг байсан цаг өнгөрчээ. Германы хоолны газар, ресторан, кафены хоолны цэснээс гахайн шарсан сосиска хасагдаад нэг жилийн нүүрийг үзэх гэж байна. Гахайн шарсан сосиска нь дүрвэгсдийг доромжилсон хэрэг болно гэж үзсэнээс үүдэлтэйгээр зуун зуунаар дасал болсон уламжлалт хоолоо хассан гэж үйлчилгээний газрынхан тайлбарлаж байна. Зөвхөн уушны газар ч биш, бас сургууль соёлын газрын кафед ч ийм өөрчлөлт хийжээ. Гэхдээ саяхнаас гахайн шарсан сосискийг эргүүлж нэвтрүүлэх санаачилгыг Ангела Меркелийн намынхан санаачилсан байна. Телевиз, радио, сонин хэвлэлээр энэ тухай хэлэлцүүлэг өрнөж, улс төрчид ч хэлэлцэхдээ хүрчээ. Хамгийн сонирхолтой нь сосискийг болих шийдвэрийг төр засгийн байгууллагаас огт гаргаагүй бөгөөд, үйлчилгээний газрынхны санаачилга байсан гэнэ. Германд цагаачид, дүрвэгсэд хамгийн ихээр суурьшсан бөгөөд энэ тоо цаашид өсөх магадлалтай учир нийгэм олноороо хэлэлцэхэд хүрчээ. Германчууд үндэсний хоолоо идэх болно гэж итгэж найдаж байгаа аж.
Ц. ДОРЖГОТОВ
