Хилийн чанадад ажиллаж амьдарч буй монгол иргэд өнгөрсөн амралтын өдрүүдэд Ерөнхийлөгчийн сонгуульд саналаа өглөө. Гадаадад улсад манай улсын 112 мянга гаруй иргэн байдаг тэдгээрээс 7209 иргэн Монгол Улсын Ерөнхийлөгчийн 2017 оны ээлжит сонгуульд саналаа өгөхөөр бүртгүүлжээ. Гадаад улсад байгаа иргэдийн санал авах ажлыг зохион байгуулахаар Монгол Улсын дипломат төлөөлөгчийн газар байрладаг 33 улсад 45 салбар комисс ажилласан байна.
Сонгуулийн тухай хуулийн 98 дугаар зүйлд заасны дагуу Сонгуулийн ерөнхий хороо гадаадад саналаа өгсөн иргэдийн саналыг тоолох ажиллагааг өөрийн байрандаа энэ сарын 26-ны өдрийн 22:00 цагт хийж нэгтгэн тоолох юм байна.
Ц.БАТТУЯА