Ойрын өдрүүдэд хуурай халуун, нарны хэт халалтаас шалтгаалан иргэд гол усны эрэг орчим бараадан, сэрүүцэх нь ихэслээ. Мөн тогтоол усанд хүүхдүүд тоглож байгаад эндэх тохиолдол гарсаар байна. Өчигдөр л гэхэд эрдэнэт хүний амь нас эрсэдсэн хэд хэдэн тохиолдол бүртгэгджээ. Тухайлбал :
БЗД-11 хороонд байрлах нэгэн амралтын газарт СХД-24 хороонд суух Ж голд живж нас барсан хэрэг гарчээ. Энэ хэргийг БЗДЦХ-3 шалгаж байна.
ХУД-13 хороонд байрлах “Хилэм” нэртэй “Карьерийн нууранд 2 хүүхэд живж нас барсан хэрэг гарчээ. Хүүхдүүд БЗД-17 хороонд амьдардаг бөгөөд 15-10 насны хүүхдүүд байжээ. Хэргийг ХУДЦХ-2 шалгаж байна.
Энэ бол ганцхан өдөр гарсан хэрэг. Тиймээс эцэг, эх, асран хамгаалагчид гол, нуур, тогтоол болон худгийн усны ойролцоо бага насны хүүхдийг хараа хяналтгүй явуулахгүй байхыг анхааруулж байна. Мөн архидан согтуурсан нэгнээ голын ус руу явуулахгүй байхыг анхааруулж байна.
Ц.ХИШГЭЭ
