Монгол түмний онгон шүтээн гэж сүсгэдэг Бурхан Халдун уул өнөө өглөө түймэрт өртжээ. Эх сурвалжийн мэдээлэлж байгаагаар хайрханд гарч хийморио сэргээхээр явсан иргэд гал алдсан байж болзошгүй байна. Хэт их хуурайшилттай байгаа энэ үед иргэдийн аялал зугаалга хийхдээ сонор сэрэмжтэй байхыг онцгой байдлын ерөнхий газраас анхааруулсаар байгаа.
Гэтэл иргэд гал түймэр тавьсаар байна. Богд ууланд халиар түүж яваад гал алдсан иргэдээс болж онцгой байдлыг 100 гаруй албан хаагчид галыг бүрэн унтраахаар өдөр шөнөгүй ажилласаар байхад дахин нэг түймэр гарлаа. Бурхан Халдунд гарсан түймрийг унтраахаар онцгой байдлын албан хаагчид хүнд нөхцөлд ажиллаж байна гэж Batja Badamjav иргэн facebook хуудсаараа коммент бичин ард иргэдийг онцгой байдлынханд туслахыг уриалсан байна. Олон хүн түүний уриалгыг дэмжиж байна.
Ц.БАТТУЯА