БНХАУ-ын ӨМӨЗО-ны Хөлөнбуйр хотод насанд хүрэгчдийн “Барга хот-2017” чөлөөт бөхийн олон улсын тэмцээн боллоо. Монгол, БНАСАУ, ОХУ, БНХАУ гэсэн дөрвөн орны 200 гаруй тамирчин өрсөлдсөн тус тэмцээнд манай улсаас 22 тамирчин эх орноо төлөөлөн оролцож хоёр мөнгө, долоон хүрэл медаль хүртэв. Эрэгтэйчүүдийн 57 кг-ын жинд Ц.Цогбадрах, 74 кг-д Б.Бямбадорж нар мөнгө, 57 кг-д Г.Отгонбаатар , Б.Түмэнцогт, 74 кг-д Б.Батсүх, 86 кг-д Б.Өлзийсайхан , 97 кг-д Б.Одсүрэн, 125 кг-д Д.Эрдэнэтулга, эмэгтэйчүүдийн 69 кг-д М.Хишигмаа нар тус бүр хүрэл медаль хүртэв. Монголын багийг ахалж, олон улсын нэгдүгээр зэргийн шүүгч Ц.Сэрээтэр, дасгалжуулагчаар МУГД Ц.Баярсайхан (Хасу-Мегастарс), спортын мастер Ч.Пүрэвбаяр (Арслан), шүүгчээр М.Баярсайхан, Л.Жаргалсайхан нар явсан юм.