Монгол Улсын тав дахь Ерөнхийлөгчийг сонгох Хоёр дахь шатны санал хураалт орон даяар 07 цагт эхэллээ. Хоёр дахь шатны санал хураалтад сонгогчдын нэрсийн жагсаалтад өөрчлөлт орохгүй, өөрөөр хэлбэл эхний шатны санал хураалтад оролцсон 1,9 сая иргэн саналаа өгөх эрхтэй. Харин өмнөх санал хураалтаар хамгийн олон санал авсан МАН-аас нэр дэвшигч М.Энхболд, АН-аас нэр дэвшигч Х.Баттулга нар энэ удаад өрсөлдөх юм.
Тус санал хураалтаар сонгогчдын ирц 50-аас дээш хувьд хүрсэн байх ба хоёр нэр дэвшигчийн хэн нэг нь 50+1 санал авсан байх ёстой. Хуулиар заасан энэхүү босго хангагдахгүй бол 7 хоногийн дараа нэмэлт санал хураалт, нэмэлт санал хураалт хүчингүй болвол дахин санал хураалт явуулах болно. Энэ тоолонд манай улсын төсвөөс их хэмжээний хөрөнгө зарцуулах юм.
Иймд Сонгуулийн Ерөнхий хороо иргэд сонгогчдыг санал хураалтад идэвхтэй оролцохыг уриалж байна. Хоёр дахь шатны санал хураалт 22 цагт дуусах болно.
А.ЦЭРЭНДУЛАМ