Монгол Улсын тав дахь Ерөнхийлөгчийг тодруулах нэмэлт санал хураалт Сонгуулийн тухай хуульд заасны дагуу өнөөдөр 07.00 цагт эхэлж 22.00 цагт дууслаа. Улсын хэмжээнд нийт 1983 санал авах байр ажиллаж, тэдгээрт 25 орчим мянган төрийн албан хаагч зохион байгуулалтад оролцлоо. Энэ удаагийн санал хураалтын үеэр Төв аймагт хүргүүлсэн саналын хуудасны бар код дутуу хэвлэгдсэн зөрчил илэрсэн. СЕХ энэхүү асуудлыг арилгахын тулд хамаарал бүхий албан байгууллагуудын төлөөллийг оролцуулсан ажлын хэсэг байгуулж тус аймгийн сумдад ажиллууллаа. СЕХ ирц болон санал хураалтын дүнг урьдчилсан байдлаар олон нийтэд 23:00 цагт мэдээлнэ.
ЭХ СУРВАЛЖ:СЕХ
