СЕХ-ноос Монгол Улсын Eрөнхийлөгчийн 2017 оны ээлжит сонгуулийн хоёр дахь шатны санал хураалтын ирцийн мэдээллийг 00.15 цагт танилцууллаа. Энэхүү мэдээллээр саналаа өгсөн сонгогчийн ирц улсын хэмжээнд 60.41 хувьтай гарлаа. Иймээс Сонгуулийн ерөнхий хороо дахин санал хураалтын дүн хүчинтэй гарсан учраас нэмэлт санал хураалт явуулах шаардлагагүй гэж үзжээ.
Аймаг, дүүргийн сонгуулийн хороод 21.30-22.00 цагийн хооронд хэсгийн хороодоос авсан урьдчилсан мэдээллээ СЕХ-нд ирүүлжээ. Монгол Улсын хэмжээнд нийт 1 сая 199 мянга 84 сонгогч санал өгч, ирц 60.41 хувьд хүрчээ. Энэ дээр гадаадын сонгогчдын саналын тоо нэмэгдэх юм. Гадаадад байгаа сонгогчдын сүүлчийн саналын хуудас маргааш 06.45-10.45 цагт Улаанбаатар хотноо ирнэ. Үүний дараа ирц, санал хураалтын дүн эцсийн байдлаар гарна.
ЭХ СУРВАЛЖ:СЕХ
