Сонгуулийн үеэр хүч хэрэглэхийг оролдох нь эрх баригчдад хор хохиролтойгоор тусдаг туршлага бий. Тэр тусмаа энгийн иргэдийг оролдох, ялангуяа цагдаа хүчнийхнийг дайчлан баривчлагаа хийхийг оролдох нь ямар үр дүнд хүргэж болохыг 2017 оны ерөнхийлөгчийн сонгуулийн дүн харууллаа. 60 тэрбум болон Мэтгэлцээний бичлэгийг ил болгосон асуудлаар Доржзодов, Ууганбаяр нарыг баривчлах үйл ажиллагаа явуулсан. Цагдаа, хүчнийхэн туйлын мэдлэггүй, мэргэжлийн бус ажилласан. Баривчлах нь оролдлого нь бүтэлгүйтэж, дээрээс өгсөн шийдвэрийг биелүүлж чадаагүйгээр барахгүй, нэр дэвшигчээ ч давхар хөөдсөн. Харин Х.Баттулга ерөнхийлөгчөөр сонгогдсон нь тодорхой болсон энэ өдрөөс эхлэн Доржзодов, Ууганбаяр болон түүний гэр бүл, ах дүү нар уужуу амьсгаа авч, гудамж талбайгаар чөлөөтэй алхах эрхтэй болов. Харин төрийн албыг 60 тэрбумаар худалдан авах тухай " найраанд" оролцсон нийслэлийн ИТХ-ын дарга, нийслэлийн МАН-ын дарга Сандуй шүүх, прокурорт дуудагдах нь тодорхой боллоо. Энэ бичлэгийг эвлүүлэг биш гэдгийг хамгийн түрүүнд тэр нотлох болно.
Ц.ХИШГЭЭ