Асуудал ингэж эргэнэ гэж Элбэгдорж огт зүүдлээгүй. Тэр Н.Энхбаярыг гаргаж болохгүй гэж зүтгэсэн. Хэрвээ гарч ирвэл өөрт нь аюул учирна гэж Энхбаярт л бүх анхаарлаа сүүлийн 8 жил төвлөрүүлсэн. Энхбаярын араас дарахыг хичээсэн гурван улс төрчийг ч нэрлэхэд хэцүү биш. Ерөнхий сайд асан Н.Алтанхуяг, МоАХ-ны дарга Х.Баттулга, УИХ-ын гишүүн Лу.Болд зэрэг АН-хаа лидерүүд нь Монгол улсын ерөнхийлөгч Ц.Элбэгдоржийн улс төрийн шахалт, хавчлага, дарамтыг сүүлийн жилүүдэд хамгийн ихээр мэдэрсэн. Тэд ч тэмцлээ хурцатгаж, тэдний 2 нь ерөнхийлөгчийн сунгаанд оролцож, Х.Баттулга ялалт байгуулж, Монгол улсын 5 дахь ерөнхийлөгчөөр сонгогдов. Элбэгдорж тамгаа өгөхдөө биеэ ихээхэн барьж харагдсан нь олны анхаарлаас мултарсангүй. Тэд ёсыг хүндэтгэж, эвийг сахиж харагдсан ч, сэтгэл нь хөндий байлаа гэж ажиглагчид дүгнэлээ. Нэгэн цагт өөрийг нь " аавынх" руу ачуулахыг зорьж байсан ерөнхийлөгч Элбэгдоржийг хэрхэхийг одоо Х.Баттулга шийдэх цаг ирэх нь , энэ. Ц.Элбэгдорж нэг л итгэж өгч чадахгүй байгаа янзтай.
Д.ЦЭНДЖАВ