Цагдаагийн байгууллагын нийт бие бүрэлдэхүүн Үндэсний их баяр наадмын өдрүүдэд иргэдийн аюулгүй байдлыг хангах, гэмт хэрэгтэй тэмцэх, урьдчилан сэргийлэх зорилгоор өндөржүүлсэн бэлэн байдалд шилжин ажиллаж байна.
Өнгөрсөн 2017 оны 07 дугаар сарын 10-11 өдөр, 12-ны өдрийн 15 цагийн байдлаар "Хүй 7 худаг"-т 14, "Төв цэнгэлдэх хүрээлэн"-д 29, Сүхбаатарын талбайд зохион байгуулагдсан “Улаанбаатарын үдэш” цэнгүүний үеэр 34, нийт бага насны 77 хүүхэд төөрснийг бүртгэж эцэг, эх, асран хамгаалагчид нь хүлээлгэж өгөөд байна.
Баяр ёслол, олон нийтийг хамарсан арга хэмжээний үед бага насны хүүхэд эцэг, эхээсээ төөрөх тохиолдол гардаг тул эцэг эхчүүд та бүхэн хүүхдэдээ тавих хараа хяналтаа сайжруулж, хүүхэд төөрсөн, төөрсөн хүүхэд олсон тохиолдолд 102 тусгай дугаарын утсанд холбогдохыг зөвлөж байна.
ТА бүхэн сайхан наадаарай.
ЭХ СУРВАЛЖ:ЦЕГ
