Ой санамжтай байх. Улс төрчдийн үйлдлийг хянадаг байх. Тэгэж чадсанаар хариуцлага тооцдог болно. Харьд " шагналын" журмаар элчин сайдаар томилогдсон С.Баяр, М.Энхсайхан нар улс орныхоо хөгжлийг боомилсон харалган шийдвэр гаргаж байсныг Болорчулуун гишүүн тэднийг томилох чуулганы хуралдааны үеэр илчилсэн. Ганцаардсан. Тэгвэл одоо түүнийг дэмжигчид гарч ирлээ. Энэ бол тэдний хашиж байсан ерөнхийлөгчийн тамгын газар, тус газрын дарга З.Энхболд юм. Тэрбээр элчин сайд С.Баяр, М.Энхсайхан нарыг үүрэгт ажлаас нь эргүүлэн татах саналыг УИХ-д өргөн барьсан. УИХ дэмжвэл тэднийг эргүүлэн татаж, төр хариуцлага тооцож чаддаг гэдгээ харуулах юм. Гавьяаныхаа амралтыг " эдэлж " буй энэ хоёр " эрхэм"-ийн хувьд төстэй зүйл их бий. Монгол улсын ерөнхий сайд, ерөнхийлөгчийн тамгын газрын дарга, эрх баригч намын дарга зэрэг өндөр албыг хашиж ирсэн түүх тэднийг ижилсгэдэг. Тэдтп нэгэн цагт Ц.Элбэгдоржтой хонь чоно байсан бол одоо нэг сүрэгт нэгдсэн гэж ажиглагчид дүгнэдэг.
Ц.ХИШГЭЭ