“Мэргэн буудагчийн зааг” олон улсын тэмцээний эхний шатны дүн гарлаа. 17 орон оролцсон уг тэмцээний эхний шат өндөрлөж Монгол Улсын Зэвсэгт хүчний баг 6 дугаар байр эзэлсэн амжилтаар дараагийн шатны тэмцээнд орохоор шалгарлаа. Эхний байруудыг Казахстан, ОХУ, Хятадын багууд эзэлж байна.
Эхний шатны тэмцээнүүд мэргэн буудагчдын хүн нэг бүрийн тэмцээн хэлбэрээр явагдаж дууссан бол дараагийн шатны тэмцээн “Хосын сорил” буюу багаар ажиллаж төрөл бүрийн дасгал боловсруулах бөгөөд шалгарсан 4 багийн хооронд “Мэргэн буудагчийн буухиа” тэмцээнээр ялагчийг тодруулах болно.
Нэгдүгээр үеийн дасгалуудын эзэлсэн байрны нийлбэрээр хамгийн бага оноо авсан буудагч, хослолын дасгалын эзэлсэн байрны нийлбэрээр хамгийн бага оноо авсан хослол, шилдэг багийг нийлбэр дүнгээр шалгаруулж дүн гаргах юм байна.
Эх сурвалж : БХЯ
