Гэнэтийн үер уснаас сэрэмжтэй байхыг иргэд, аж ахуйн нэгж, байгууллагад онцгойлон анхааруулсаар байтал хүний амь нас эрсдсээр байна. Онцгой байдлын албан хаагчид шуурхай ажиллаж байгаа хэдий ч орон нутагт зугаалгаар яваа иргэд архидан согтуурч усанд осолдох тохиол бүртгэгдсээр.
Тухайлбал өнгөрсөн 14, 15-ний өдрүүдэд Төв аймгийн “Эрдэнэ сум Цонжинболдог гэдэг газрын баруун талд “Хүннү тур” амралтын газрын харалдаа туул голд эмэгтэй 34 настай “Э” нь живж нас барсан хэрэг гарсан бол санамсаргүй болгоомжгүй байдлаас болж Орхон аймгийн Баян-Өндөр сум Цагаанчулуут багийн нутаг дэвсгэрт байрлах үерийн даланд эрэгтэй 48 настай “Э” нь хүчтэй аадар бороо, мөндөр орсны улмаас үер даланд унаж амиа алдсан байна.
Иймд иргэд та бүхэн гол усны ойролцоо амарч зугаалахгүй байх, бороотой, гол мөрний усны түвшин нэмэгдсэн үед, баталгаатай гүүр, гарам, гарцтай газраар автомашинтай зорчих, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулахыг анхааруулж байна.
Ц.БАТТУЯА
