Төрийн албыг худалдан авах 60 тэрбумын бичлэгийн гол хохирогч нь МАН, түүний 200 мянган гишүүн. Би үүнийг анх эвлүүлэг гэж ойлгож итгэсэн. Манай намын нэр бүхий хүмүүс эвлүүлэг гэж хэлж байсанд нь итгэж, иргэдэд хандаж буруу ташаа мэдээлэл хийж байсандаа харамсаж байна.
Саяхны Удирдах Зөвлөлийн хурлаар энэ бол эвлүүлэг биш гэдгээ холбогдох хүмүүс нь зөвшөөрсөн. Тэгэхээр энэ бичлэг бол эвлүүлэг огт биш юм. Ийм үйлдэл хийсэн хүмүүстэй нам хариуцлага тооцох учиртай. Бүр сүүлд нь энэхүү бичлэг хийсэн уулзалтанд намайг оролцсон, байлцсан гэдэг гүтгэлгийг Ганбаатар тараалаа. Би тэнд байгаагүй, оролцоогүй. Миний нэр төрийг гутаах зорилготой гүжирдлэгийг тараасан Ганбаатарыг шүүхэд өгч байгаагаа мэдэгдэе гэж Амарбаясгалан хэвлэлд хандаж хэллээ.
Ц.ХИШГЭЭ
