Улаанбаатар хотноо энэ сарын 21-23-ны өдрүүдэд болох “Хилийн чанад дахь монгол оюутан залуусын анхдугаар чуулга уулзалт” ГХЯ-ны “Зөвшилцөл” танхимд амжилттай эхэлсэн.
Хуралдаанд 25 улсад суралцаж буй 100 гаруй оюутан залуучууд болон ГХЯ, БСШУСЯ, ХНХЯ-ны холбогдох газрын удирдлагууд оролцов. ГХЯ-наас хилийн чанад дахь монгол иргэд, оюутан залуучуудад хандсан бодлого, үйл ажиллагаагаа дэлгэрэнгүй танилцууллаа.
Гадаад харилцааны сайд Ц.Мөнх-Оргил чуулга уулзалтын төлөөлөгчдөд мэндчилгээ ирүүлж, уулзалтын үйл ажиллагаанд амжилт хүслээ. Чуулга уулзалт Монгол Улсын Ерөнхий сайд Ж.Эрдэнэбатын ивээл дор болж байгаа бөгөөд өнөөдөр төрийн ордонд үргэлжилнэ.
Эх сурвалж : ГХЯ
