.JPG)
Зорчигч тээврийн удирдлагууд ажилчдынхаа эрх ашгийг үл хүндэтгэн хууль бус үйл ажиллагаа явуулж, үндэслэлгүйгээр ажилчдаа халж байгаа асуудлаар Монголын Тээвэр Холбоо, Газрын тосны ҮЭ-ийн холбооноос мэдээлэл хийлээ.
МТХГТҮЭХ-ны дарга Б.Базаррагчаа хэлэхдээ : НЗТН-ийн захирал Г.Төмөрбаатар дарга томилогдсон цагаасаа хойш олон хууль бус үйлдлийг удаа дараалан гаргасан мөн ҮЭ-ний байгууллагыг хагалан бутаргасан, ажилчдыг хууль бусаар халсан, байгууллагын хөрөнгийг үр ашиггүй зарцуулсан. Энэ байдлыг бид удаа дараа шалгаж өгөхийг УБ хотын захирагч С.Батболд, НИТХ-ын дарга Ц.Сандуйд удаа дараа шаардлага хүргүүлсэн боловч өнөөдрийг хүртэл хариу ирүүлээгүй” гэлээ.
Монголын тээвэр холбоо, газрын тосны ажилтны үйлдвэрчний эвлэлүүдийн холбооны дарга Б.Рагчаа хэлэхдээ : "Зорчигч тээврийн нэгтгэлийн дарга Г.Төмөрбаатар байгууллагын хөрөнгийг үр ашиггүй зарцуулах буюу сэлбэг материалыг хэт өндөр үнээр худалдаж авдаг мөн ажилчдаа хууль бусаар халж байгаа учраас ажлаасаа чөлөөлөгдөх ёстой гэж үзэж байгаа" гэлээ. Мөн тус компаний даргаар ажиллаж байх хугацаандаа удаа дараа ажилчдынхаа эрх ашгийг үл хүндэтгэн албан тушаалын наймаа хийж байгууллагын эрх ашгийг ноцтой зөрчиж, ажилчдад ажиллах орчин нөхцлийг бүрдүүлж чадахгүйн дээр байгууллагын зүгээс ажилчдад дарамт шахалт ирж байгаа учраас бид Төмөрбаатар даргыг ажлаас чөлөөлөх шаардлага тавьж байна.
Мөн байгууллагын хөрөнгийг үр ашиггүй зарцуулсан, сэлбэг материалыг хэт өндөр худалдан авсан гэх мэдээллийн талаар Г.Болорсүхээс тодруулсан юм.
Ингээд УБ хотын засаг дарга С.Батболд шаардах бичгийн хариуг гурав хоногийн дотор өгөхгүй бол дараагийн арга хэмжээгээ авах болно” гэдгээ тэд мэдэгдлээ.
П.ДОСМАА
