25-р телевизийн "Ам нээвэл.." нэвтрүүлгээр орохдоо ( 2017 оны 9-р сарын 12-ны өдрийн дугаарт ) "Эрдэнэс Таван Толгой" ХК -ийн гүйцэтгэх захирал Д.Ариунболд сэтгүүлч Мөнхтуулын асуултад ингэж хариулсан. Д.Ариунболд захирлын тэргүүлсэн удирдлагын баг зардлаа буулгахаас ажлын гараагаа эхэлсэн нь энэ аж. Харин жирийн ажилтан, уурхайчдын цалинг огт хөндөөгүй гэдгийг онцоллоо. Уурхай урьд үзэгдээгүй, сонсогдоогүй үр ашигтай ажилласан. Нүүрсний үнэ тогтмол өссөн гадаад таатай нөхцөлөөс гадна, дотооддоо үйлдвэрлэлийн өртөг зардлыг буулгаж чадсан нь энэ багийн амжилтын нууц байлаа. Удирдлагын шинэ баг эхний зургаан сард Хятад улсын Чалко компанийн 110 сая ам долларыг бүрэн төлсөн. Ингэснээр гадаад өрөө бүрэн барагдуулж, шинэ гэрээ хэлцэл хийх таатай нөхцөлийг бүрдүүлсэн. Гадаад өр дарсны дараахан, - Хүний хөгжлийн санд төвлөрүүлсэн Хөгжлийн банкны 239 сая ам.долларын өр манай дансанд бүртгэлтэй байдаг. Сонгуулиар иргэддээ тараасан мөнгө. Хэдийгээр манай компанийн тавьсан өр биш ч гэсэн, нэгэнт манай балансад бүртгэлтэй тул дарах шаардлага үүссэн. Үйл ажиллагааныхаа эрч хүчээ хадгалж чадвал "Эрдэнэс Таван Толгой"ХК- энэ ондоо багтааж энэхүү дотоод өрөө ч дарах бүрэн боломжтой гэдгийг тус компанийн гүйцэтгэх захирал Д.Ариунболд тодотгож байна. Дотоод өрөө барагдуулсны дараа иргэдийн 1072 хувьцаа амилах нөхцөл ойртох юм байна.
Ц.ХИШГЭЭ