Петро Чайна Дачин тамсаг компанийн 21-р талбай хатуу хучилттай авто замаар тээвэрлэлтээ хийх ёстой ч өнөөг хүртэл шороон замаар тээвэрлэлт хийж байгаа. Энэ нь олон салаа зам гаргаж тоосжилт бий болгож байгаль орчинд сөрөг нөлөө үзүүлж байгаа учраас тус компанийн тээвэрлэлтийн үйл ажиллагааг түтгэлзүүлэх захирамж өнөөдөр гарлаа. Петро Чайна Дачин тамсаг компанийн 21-р талбай өвдөг баянхошууны боомтоор бүтээгдэхүүнээ тээвэрлэн экспортлож байгаа юм. Ингэхдээ 19-р талбайгаас баянхошууны боомт хүртэлх хатуу хучилттай авто замд нийлэх хүртэл 68 км шороон замаар зорчиж байна. Тиймээс Зам тээврийн сайдын 2015 оны тушаалаар Петро Чайна Дачин тамсаг компанийг 68 км замаа хатуу хучилттай болгон шинэчлэсний дараа тээвэрлэлтийн үйл ажиллагаа явуулахыг зөвшөөрсөн тушаал гарчээ. Энэ тушаалын хэрэгжилтийг хангуулах үүднээс өнгөрсөн 2 жилийн хугацаанд мэргэжлийн байгууллагууд удаа дараа шаардлага тавьж байсан ч тодорхой эрхийнхээ хүрээнд арга хэмжээ авч байсан боловч асуудал хэвээр байгаа тул орон нутгийн дээд байгууллага эрх үүргийнхээ хүрээнд ийнхүү тус талбайн тээвэрлэлтийн үйл ажиллагааг зогсоох захирамж гаргаж байгаагаа мэдэгдлээ.
Петро Чайна Дачин тамсаг компанийн 21-р талбайн шороон замаар хийсэн тээвэрлэлтийн улмаас 9-35 м-ийн өргөнтэй олон салаа зам бий болж тухайн бүс нутагт их хэмжээний тоосжилт үүссэн зэрэг нь байгаль орчин болоод хүний эрүүл мэндэд заналхийлж байгаа тул ийнхүү дараагийн шатны арга хэмжээ авч байгагаа илэрхийллээ. Уг нь бол Петрой Чайна Дачин тамсаг компанийн 21-р талбайн тээвэрлэлтийн үйл ажиллагааг явуулах тусгай зөвшөөрлийг олгож байгаа зам тээврийн сайд үүргээ биелүүлэхгүй байгаа тус компанийн үйл ажиллагааг цуцлах эрх нь байгаа ч гаргасан шийдвэртээ эзэн нь болж чадахгүй хариуцлагагүй хандаж байна. Ямартай ч Петро Чайна Дачин тамсаг компанийн 21-р талбайн тээвэрлэлтийн үйл ажиллагаа зогсоох шийдвэр гаргалаа. Харин одоо хэрэгжүүлэх л үлдэж байна.
А.ИЧИНХОРЛОО
