ХӨСҮТ-ийн Сүрьеэгийн тасгийн ажилтнуудад 30 хувийн нэмэгдэл олгохоор болжээ. Засгийн газар ээлжит хуралдаанаараа хэд хэдэн асуудал хэлэлцэж, эрүүл мэндийн байгууллагын ажилтнууд болон хүүхдүүдэд холбоотой шийдвэрүүдийг гаргажээ. Сүрьеэгийн тасагт ажиллаж байгаа ажилтнуудад үндсэн цалингийн 30 хувьтай тэнцэх нэмэгдлийг тухайн албан тушаалыг хашиж байх хугацаанд сар бүр олгохоор болжээ. Нэмэгдлийг энэ сарын 1-нээс тооцон төсвийн багцад багтаан олгохыг холбогдох сайдын үүрэг гүйцэтгэгч нарт даалгасан байна.
Мөн Хүүхдийн хөгжил, хамгааллын үндэсний хөтөлбөр баталсан байна. Сайд, аймаг, нийслэлийн Засаг дарга нарт шаардагдах хөрөнгийг жил бүрийн төсвийн Үндсэн чиглэл, улс, орон нутгийн төсөвт тусгаж, олон улсын байгууллагын төсөл, хөтөлбөрт хамруулж санхүүжүүлхийг үүрэг болгосон байна.
Эх сурвалж : Zasag.mn
