.JPG)
“Багшийн цалин нэмүүлэх түр хороо” энэ сарын 18-нд засгийн газарт багшийн цалинг 1.6 сая хүртэл нэмэгдүүлэх шаардлага хүргүүлсэн. Хэрэв шаардлагын хариуг энэ сарын 21-н хүртэл ирүүлэхгүй бол улс орон даяар сануулах ажил хаялт хийнэ хэмээн мэдэгдэж байсан. Тэгвэл өнөөдөр багш нар ажил хаялт орон даяар хийж байна.
Одоогоор багш нарын сануулах ажил хаялт улсын хэмжээнд 60 хувьтай байгаа бол уг хоёр өдрийн ажил хаялт цаашид хугацаагүй ажил хаялт болох учраас Засгийн газраас хариу өгөхийг шаардаж байгаа гэнэ.
.JPG)
“Багшийн цалин нэмэгдүүлэх түр хороо”-ны Удирдах зөвлөлийн гишүүн А.Санжмятав: “1.6 сая төгрөгийн цалинг бид маргааш өг гэж нэхээгүй. Ирэх жилүүдэд үе шаттайгаар нэмж өгөөч гэсэн шаардлага тавьсан. 30 хувь нэмнэ гэсэн шийдвэр хэзээ, хэрхэн хэрэгжих нь тодорхойгүй байна. Нэг багш 35 хүүхэдтэй ажилладаг бол өнөөдөр 70 хүрсэн байна. Багшийн цалин хамнгамжийн асуудлаас болж багш мэргэжлийн үнэ цэнэ унаж байгаа. Үүнийг эцэг эхчүүд маань ойлгож, төр засаг ирээдүйгээ бодож шийдвэртэй алхам хийгээсэй гэж хүсэж байна” гэлээ.
Одоогийн байдлаар ажил хаялт нийслэлийн ЕБС 43 хувьтай, СӨБ 28 хувьтай улсын хэмжээнд ЕБС 56 хувь, СӨБ нь 23 хувьтай байгаа аж. Өнөөдөр улсын хэмжээнд 654 сургуулиас 384 нь ажил хаялтад оролцож байгаа бол цаашид энэ тоо өснө гэдгийн хэллээ.
П.ДОСМАА
